2023 ވަނަ އަހަރު ފާސްކޮށްފައިވާ މިއިދާރާގެ ނަންބަރު (PP)369-AS/369/2023/3 މުލަކަތޮޅު މަޑުއްވަރިން ކްލަބް ޖަމުއިއްޔާތަކުގެ އިދާރާތައް އެޅުމަށާއި ، ކްލަބް ޖަމުއިއްޔާތަކުގެ އިދާރީ ހިންގުން ރަނގަޅުކުރުމަށް ބިން ދޫކުރުމުގެ އުޞޫލު އާއި އެއްގޮތަށް މުލަކަތޮޅު މަޑުއްވަރީން 600 އަކަފޫޓްގެ 2 ބިން ދޫކުރުމަށް މުލަކަތޮޅު މަޑުއްވަރީ ކައުންސިލްގެ 4 ވަނަ ދައުރުގެ 179 ވަނަ އާންމު ބައްދަލުވުމުން ނިންމާފައިވާތީ ، މ.މަޑުއްވަރީގައި ހިންގާ ، މ.މަޑުއްވަރިއަށް ނިސްބަތްވާ ކްލަބް ޖަމުއިއްޔާތަކުގެ ތެރެއިން އެ ކްލަބް ޖަމުއިއްޔާއެއް ރަޖިސްޓްރީކޮށްގެން މ.މަޑުއްވަރީގައި ހިންގާތާ 6 އަހަރުވެފައިވާ ކްލަބް ޖަމުއިއްޔާތަކަށް ބިމަށް އެދުމުގެ ފުރުޞަތު ހުޅުވާލަމެވެ. ބިމަށް އެދި ހުށަހަޅުއްވަންޖެހެނީ 14 އޮގަސްޓް 2025 ވަނަ ދުވަހުގެ 13:30 އަށް މ.މަޑުއްވަރީ ކައުންސިލަށް ހާޟިރުވެގެންނެވެ. 

ދޫކުރާ ބިމުގެ މަޢުލޫމާތު:  

ބިންއޮތްތަން : ކުޅިވަރު ބިން ( އައުޓްޑޯ ވޮލީކޯޓުގެ ހުޅަނގަށް ، ރައްޔިތުންގެ ގުދަނާއި އައުޓްޑޯ ވޮލީކޯޓާއި ދެމެދު އޮތް ހުސްބިން

ބިމުގައި ކުރެވޭނެ ބޭނުން : ކްލަބް ޖަމުއިއްޔާގެ އިދާރީ އޮފީސް ގާއިމުކުރުމަށާއި ، އާންމުދަނީ ހޯދުމަށް

ބިން ދޫކުރާ މުއްދަތު :  10 އަހަރު ( އުޞޫލުގައި ބުނެފައިވާ ގޮތަށް އިތުރު 5 އަހަރު ކައުންސިލަށް ދެވިދާނެ )

ބިމަށް ނަގާ ކުލި : ބިމަށް އެއްވެސް ކުއްޔެއް ނުނަގާނެ

ބިމުގެ ސިފަ : މިބިމަކީ އިރު ، ހުޅަނގު އެއްވަރަށް 30 ފޫޓް ، އުތުރު ދެކުނު އެއްވަރަށް 20 ފޫޓް ބިމެކެވެ. 

މުހިއްމު ނުކުތާތައް 

1-    ބިން ހަވާލުކުރާތާ 1 އަހަރު ދުވަހުގެ ތެރޭގައި އެ ކްލަބް ޖަމުއިއްޔާއެއްގެ އިދާރާ އަޅާ ، އެ ބިމަށް އިދާރީ ހިންގުން ބަދަލުކުރަންވާނެއެވެ. އެ ގޮތަށް އަމަލުކޮށްފައިނުވާނަމަ ބިން އަތުލުގެ ބާރު ކައުންސިލަށް ލިބިގެންވެއެވެ.

2-    ދޫކުރެވޭ ބިމުގައި އެ ކްލަބް ޖަމުއިއްޔާގެ އިދާރާ އެޅުމަށްފަހު ، ބާކީ އޮތް ބިމުގެ ޖާގައިގާ ދިވެހިރާއްޖޭގެ ޤާނޫނުތަކާއި ، ޤަވާއިދުތަކާއި ކައުންސިލުން ހަދާފައިވާ އުޞޫލުތަކާއި އެއްގޮތް މަސައްކަތްތަކަށާއި ، ކަންކަމަށް ބޭނުންކުރެވޭނެއެވެ. 

3-    ދޫކޮށްފައިވާ ބިމުގައި އެ ކްލަބް ޖަމުއިއްޔާއަކަށް ، މ.މަޑުއްވަރީ ކައުންސިލުން ނަގަންޖެހޭ ހުއްދަތައް ނެގުމަށްފަހު ބުރިބުރިއަށް ބިމުގައި އިމާރާތްކުރެވޭނެއެވެ.  ދޫކުރާ ބިމުގައި ކުރާ އިމާރާތަށް ވަދެ ނިކުތުމަށް ދޮރު ކަނޑަންވާނީ ހުޅަނގު ފަރާތަށެވެ. 

4-    ބިން ލިބޭ ކްލަބް ޖަމުއިއްޔާތަކުން ކޮންމެ އަހަރަކުވެސް މ.މަޑުއްވަރީގެ ތަރައްޤީގެ ޕްލޭންގައި ހިމެނޭ ހަރަކާތްތަކުގެ ތެރެއިން މަދުވެގެން 1 ހަރަކާތް މ.މަޑުއްވަރީ ކައުންސިލް އާއި ގުޅިގެން ކުރިޔަށް ގެންގޮސް ނިންމަންވާނެއެވެ. 

5-    ކްލަބް ޖަމުއިއްޔާތަކުން ހުށަހަޅަންޖެހޭ އަހަރީ ރިޕޯޓް މިނިސްޓްރީއަށް ހުށަހަޅަން އޮންނަ މުއްދަތުގައި ހުށަނާޅާ ކްލަބް ޖަމުއިއްޔާތަކަށް ބިމަށް އެދި ހުށަހެޅުމުން އެ ހުށަނާޅާ ލަސްވި އަހަރަށް ، އަހަރެއްގެ މަގުން ބިމަށް ޝަރުޠު ހަމަވުން ފަސްވާނެއެވެ. 

ބިން ދޫކުރުމުގައި ބަލާނެ ކަންކަން 

2023 ވަނަ އަހަރު ފާސްކޮށްފައިވާ މިއިދާރާގެ ނަންބަރު (PP)369-AS/369/2023/3 މުލަކަތޮޅު މަޑުއްވަރިން ކްލަބް ޖަމުއިއްޔާތަކުގެ އިދާރާތައް އެޅުމަށާއި ، ކްލަބް ޖަމުއިއްޔާތަކުގެ އިދާރީ ހިންގުން ރަނގަޅުކުރުމަށް ބިން ދޫކުރުމުގެ އުޞޫލުގައި ބަޔާންކޮށްފައިވާ އެންމެހާ ކަންކަމަށް ބަލާނެއެވެ. އެ ގޮތުން އެ އުޞޫލުގެ 5 ވަނަ މާއްދާގެ  ( ހ ) އިން ފެށިގެން (ބ) އާއި ދޭތެރޭ ކަންކަމަށް ބެލެވޭނެއެވެ. މި އިޢުލާނާއެކު އުޞޫލު އާންމުކޮށްފައިވާނެއެވެ.   

ހުށަހަޅަންޖެހޭ ލިޔުންތައް 

1-    ކްލަބް ޖަމުއިއްޔާގެ ރަސްމީ ލެޓަރ ހެޑްގައި ބިން ބޭނުންވެ ލިޔުއްވާފައިވާ ސިޓީ 

2-    ފާއިތުވެ ދިޔަ 6 އަހަރު އަހަރީ ރިޕޯޓް ހުށަހަޅުއްވާފައިވާކަން ނުވަތަ ނޫންކަން އަންގައިދޭ ލިޔުން ( ހުށަހަޅުއްވާފައިވާނަމަ ހުށަހަޅުއްވާފައިވާ ތާރީޚު އެނގޭނެ ގޮތަށް ) 

3-    ކްލަބް ޖަމުއިއްޔާގެ ރަޖިސްޓްރީ

4-    ފާއިތުވެދިޔަ 6 އަހަރުގެ އަހަރީ ރިޕޯޓް ( ޕީޑީއެފް ފައިލް އީމެއިލްކުރައްވާނީ info@maduvvari.gov.mv އަށް )

5-    މ.މަޑުއްވަރީގެ ތަރައްޤީގެ ޕްލޭންގައި ހިމަނާފައިވާ ކަންތައްތަކުގެ ތެރެއިން ކްލަބް ޖަމުއިއްޔާއިން ލީޑްކޮށްގެން މީގެ ކުރިން ކުރިޔަށް ގެންގޮސް ހާޞިލުކޮށްފައިވާ ކަންކަން އަންގައިދޭ ލިޔުންތައް

6-    ކްލަބް ޖަމުއިއްޔާއިން ލީޑްކޮށްގެން މީގެ ކުރިން ކުރިޔަށް ގެންގޮސް ހާޞިލުކޮށްފައިވާ ކަންކަން އަންގައިދޭ ލިޔުންތައް